სარალიძე-დადუნაშვილის საქმეზე საგამოძიებო კომისიის თავმჯდომარე სერგი კაპანაძე იქნება

პარლამენტში დროებითი საგამოძიებო კომისიის თავმჯდომარედ “ევროპულმა საქართველომ” სერგი კაპანაძე წარადგინა. კომისიამ ხორავაზე მომხარი მკვლელობის საქმე უნდა შეისწავლოს და მის შემადგენლობაში უმრავლესობა აქვს საპარლამენტო უმცირესობას. სწორედ “ევროპული საქართველო” დააკომპლექტებს კომისიის 9 წევრს. 8 წევრი კი “ქართული ოცნებიდან” და “პატრიოტთა ალიანსიდან” დაკომპლექტდება.

“საგამოძიებო კომისიის შექმნა არის სერიოზული ინსტრუმენტი, რომელიც საზოგადოებრივი ზეწოლის გამოყენებით შეძლებს, რომ ნათელი მოჰფინოს ამ რთულ სიტუაციას – იმას, რაც მოხდა ხორავას ქუჩაზე. ასევე იმას, რაც მოხდა პროკურატურაში თუ სხვა უწყებებში, რამაც გამოიწვია ის შედეგები, რაც ჩვენ დღეს გვაქვს. რა თქმა უნდა, ეს რთული სამუშაოა, მარტივი არ იქნება ამ ყველაფრის გაკეთება, თუმცა საპარლამენტო უმცირესობა, ეს კომისია და პირადად მე ყველაფერს გავაკეთებთ, რომ ამ კითხვებს გაეცეს პასუხი” – თქვა კაპანაძემ.

რისი გამოძიება შეუძლია პარლამენტის საგამოძიებო კომისიას

ნეტგაზეთის მასალების სხვა გამოცემებში გადაბეჭდვის წესი


ავტორი
მარიამ ბოგვერაძე არის "ნეტგაზეთის" რეპორტიორი 2016 წლიდან.