პრემიერთან შეხვედრის შემდეგ მაჩალიკაშვილი არ პასუხობს შეკითხვას, შეწყვეტს თუ არა აქციებს

თემირლან მაჩალიკაშვილის მამა მალხაზ მაჩალიკაშვილი პრემიერთან შეხვედრის შემდეგ ვერ პასუხობს შეკითხვას, შეწყვეტს თუ არა ის აქციებს. ამის შესახებ მთავრობის ადმინისტრაციაში მას საზოგადოებრივი მაუწყებლის 1 არხი ესაუბრა.

“მაგან [პრემიერმა] თქვა, რომ პირად კონტროლზე აიყვანს, გადახედავს. მე ჩემი მოთხოვნები ვუთხარი, ჩემს საქმეზე”, – თქვა მაჩალიკაშვილმა.

ჟურნალისტის შეკითხვაზე, მისაღებია თუ არა მისთვის პრემიერის შეთავაზება, მაჩალიკაშვილმა თქვა, რომ ჯერ მაგის თაობაზე საუბარი არ სურს.

ჟურნალისტი: არ იცით, აქციებს შეწყვეტთ თუ არა? ეს შეხვედრა არ იყო საკმარისი ამ პასუხის გასაცემად?

მალხაზ მაჩალიკაშვილი: ვერ გიპასუხებთ მაგაზე.

მალხაზ მაჩალიკაშვილი, რომელიც ზაზა სარალიძესთან ერთად რუსთაველის გამზირზე მიმდინარე აქციების ერთ-ერთი ლიდერია, პრემიერთან შეხვედრაზე იურისტებთან: მარიამ კუბლაშვილთან და თამთა მიქელაძესთან (EMC) ერთად მივიდა. პრემიერს ხვდება ზაზა სარალიძეც. ეს ორი შეხვედრა ცალ-ცალკე გაიმართა.

 

ნეტგაზეთის მასალების სხვა გამოცემებში გადაბეჭდვის წესი


ავტორი
დათო ქოქოშვილი არის ნეტგაზეთის რედაქტორი 2018 წლის 1 თებერვლიდან. მანამდე ის იყო ნეტგაზეთის რეპორტიორი 2013 წლიდან. Email: davit.qoqoshvili@gmail.com