აქციის ორგანიზატორთა თქმით, ზაზა სარალიძე პრემიერ-მინისტრს შეხვდება

ზაზა სარალიძე პოლიტიკოსებთან და საზოგადოების წარმომადგენლებთან ერთად პრემიერ-მინისტრ გიორგი კვირიკაშვილს 4 ივნისს, 14:00-ზე შეხვდება.

“ახალი საქართველოს” ლიდერის, გიორგი ვაშაძის თქმით, შეხვედრის მთავარი გნსახილველი თემა მთავრობის გადადგომა იქნება.

“აქციებს არ ვწყვეტთ. აქ ყოველდღიურად იქნება სოლიდარობის ღონისძიებები. თუ არ იქნება პასუხი ხელისუფლების მხრიდან, კვირას, 16:00-ზე მთელი საქართველო შეიკრიბება რუსთაველზე. ამ პროცესს აუცილებლად მივიყვანთ ბოლომდე.

…მოთხოვნა არ იცვლება. ეს არის ხელისუფლების გადადგომა. შესაბამისად, ამ მოთხოვნაზე სასაუბროდ მივდივართ პრემიერ-მინისტრთან”, – აღნიშნა ვაშაძემ.

რუსთაველის გამზირზე ოპოიციური პარტიების აქცია დასრულებულია. ადგილზე მხოლოდ აქციის მიწურულს გამოჩნდა ზაზა სარალიძე, რომელმაც შეკრებილებს სიტყვით მიმართა და ადამიანებს მხარდაჭერისკენ მოუწოდა.

ნეტგაზეთის მასალების სხვა გამოცემებში გადაბეჭდვის წესი


ავტორი
მიხეილ გვაძაბია არის ნეტგაზეთის რეპორტიორი 2017 წლის სექტემბრიდან