ძლიერმა წვიმამ რუსთავში ქუჩები და საცხოვრებელი სახლების სარდაფები დატბორა

ძლიერი წვიმის შედეგად რუსთავში ქუჩები და საცხოვრებელი კორპუსების სარდაფები დაიტბორა. ამის შესახებ ნეტგაზეთს საგანგებო სიტუაციების მართვის სააგენტოში განუცხადეს.

უწყების პრესსამსახურის ინფორმაციით, ძლიერი წვიმის შედეგად რამდენიმე ცენტრალური ქუჩა და ახლომდებარე საცხოვრებელი სახლები დაიტბორა. ამ დროისთვის ადგილზე მობილიზებულია შესაბამისი ტექნიკა, რომელიც სარდაფებიდან წყალს ამოტუმბავს, რის შემდეგაც დაიწყება ზარალის დათვლა.

მათივე თქმით, ამ დროისთვის წვიმის შედეგად არავინ დაზარალებულა.

ვიდეოს რუსთავის ქუჩების დატბორვის შესახებ “ინფო რუსთავი” ავრცელებს. გამოცემის ინფორმაციით, წვიმის დროს ქალაქის ნაწილს ელექტროენერგია არ მიეწოდებოდა.

ფოტო: რუსთავი დღეს

ნეტგაზეთის მასალების სხვა გამოცემებში გადაბეჭდვის წესი


ავტორი
ნინო ბიძინაშვილი არის რეპორტიორი 2017 წლის 25 სექტემბრიდან