რუსეთის მართლმადიდებელი ეკლესიის საპატრიარქო საქართველოში მცხოვრები რუსულენოვანი მრევლისთვის თავის წარმომადგენელს გზავნის – ამის შესახებ გადაწყვეტილება რუსეთის მართლმადიდებელი ეკლესიის წმინდა სინოდმა 14 მაისს მიიღო.
განცხადებაში, რომელიც რუსეთის საპატრიარქოს ვებ-გვერდზეა გამოქვეყნებული, ასევე წერია, რომ ეს შეთანხმებულია საქარველოს მართლმადიდებელ ეკლესიასთან.
რუსეთის სინოდის გადაწყვეტილებით, თბილისში დეკანოზი ვლადიმერ ალექსანდროვი ჩამოვა.
“აუცილებლობის შემთხვევაში, მან უნდა წარმოადგინოს რუსეთის მართლმადიდებელი ეკლესიის პოზიცია” – ვითხულობთ განცხადებაში.
