საზოგადოებრივი მაუწყებლის ჟურნალისტი ირაკლი აბსანძე ამბობს, რომ პოლიციამ კლუბ ბასიანთან ტანსაცმელი შემოახია. ამის შესახებ ტელეწამყვანმა ნეტგაზეთთან საუბარში განაცხადა. აბსანძის თქმით, ის კლუბში როგორც სტუმარი ისე მიდიოდა.

“მე უბრალოდ მოვედი, რადგან ნაყიდი მქონდა ბილეთი და დამხვდა ეს. ვიკითხე, რატომ არ მიშვებთ და აღმოჩნდა, რომ ეს დამმართეს ადამიანებმა, ვინც აქ დამხვდნენ. პოლიციამ. ვიკითხე, დღეს არ მიშვებენ, როდის შეიძლება ჩემი ფულით შევიდე ამ კლუბში. დამმართეს ის, რაც დამმართეს. ეს არ გაუვათ, ძალიან რთული ამბავია. ამ საუკუნეში საქართველოში ეგ არ გაუვათ. ჩვენ სად დავისვენებთ, არის ჩვენი კონსტიტუციური უფლება. რა თქმა უნდა, სახელმწიფოს უფლებაა, ნახოს იქ რა ხდება, სადაც ჩვენ ვისვენებთ, მაგრამ ის, რაც აქ ხდება, ნორმლაური არ არის. ეს, რაც მე დამმართე,ს ნორმალური არ არის”, – ამბობს აბსანძე.

კლუბ ბასიანსა და გალერიში სპეცრაზმია შესული. სტუმრები პოლიციამ გარეთ გამოიყვანა. შსს-ს ცნობით, დაკავებულია 8 ადამიანი. შსს ამბობს, რომ მიმდინარეობს საგამოძიებო მოქმედებები.