Pasha Global-ი სამხრეთამერიკული კომპანიაა, რომელსაც მთელ მსოფლიოში უმაღლესი სტანდარტის სასტუმროების, კაზინოების ქსელი აქვს. გვიანა, სურინამი, ბულგარეთი, ნიკარაგუა, უგანდა – ეს იმ ქვეყნების არასრული ჩამონათვალია, სადაც Pasha Global-ს მსოფლიოს სასტუმროებისა და კაზინოების ბაზარზე ხარისხის უმაღლესი ნიშნით ცნობენ.

კომპანია ბევრ სხვადასხვა საქმიანობას ეწევა. კაზინოებისა და სასტუმროების ბიზნესი ერთ-ერთი მთავარი მიმართულებაა.

Pasha Global-ის ქსელის კომპანიების ნაწილი

Pasha Global-ის სასტუმრო, კაზინო და ღია კაფე მალე ბათუმის მცხოვრებლებსა და უცხოელ ტურისტებსაც მოემსახურება.

სასტუმროს ქართულმა სახელწოდებამ – „ფაშა მედეა“ საზოგადოებაში გაუგებრობა გამოიწვია. კომპანიის დირექტორი ორკუნ ასანსუ ამბობს, რომ ბრენდის სახელწოდებაა – „პაშა“ (Pasha), თუმცა ეს სახელწოდება ქართულად ითარგმნა, როგორც „ფაშა“.

„პაშა მედეათი“ კომპანიას სურდა კოლხი მედეას სახელით წარედგინა საქართველო მსოფლიოს სხვადასხვა ქვეყნიდან ჩამოსული ტურისტებისთვის, ხაზი გაესვა ქვეყნის ისტორიისა და ტრადიციებისთვის.

კომპანიის სასტუმროებისა და კაზინოების ქსელს უგანდაში, მაგალითად, „პაშა სიმბა“ ჰქვია, ლომი ამ ქვეყნის სიმბოლოა და კომპანიამ იქაც უგანდას ისეთ სიმბოლოზე გააკეთა არჩევანი, რასაც ყველა ტურისტი ადვილად ამოიცნობდა.

Pasha Global-ის ახალი სასტუმროსა და კაზინოს ფასადი ბათუმში ძვირადღირებული, ისტორიული და კულტურული დანიშნულების მინიატურებით იქნება მორთული. კომპანიაში ფიქრობენ, რომ ეს ტურისტებისთვის ქვეყნის შემეცნების ნაწილი იქნება.

ორკუნ ასანსუ, პაშა გლობალის გენერალური დირექტორი და ბაჰადირ გური, ბათუმის სასტუმროსა და კაზინოს გენერალური დირექტორი.

ორკუნ ასანსუ – პაშა გლობალის გენერალური დირექტორი : „ყველაფერს, რასაც ვაკეთებთ, ვაკეთებთ გულით და არა მხოლოდ ფინანსური წარმატებისთვის. გვსურს ბათუმში იყოს ყველასთვის ხელმისაწვდომი, კომფორტული, გასართობი და დასასვენებელი სივრცე ისტორიულ-კულტურული კონტექსტის გათვალისწინებით. ჩვენი წარმოსახვა, ფიქრები, ყველაფერია ჩადებული ამ კომპლექსის იდეაში. ეს ყველაფერი ქართველ ხალხს ეკუთვნის და გათვლილია ბათუმში იმ ტურისტების მოსაზიდად, ვისაც საქართველო არასდროს უნახავს“.

საქართველო – ბიზნესინვესტიციებისადმი მეგობრული ქვეყანა

ორკუნ ასანსუ ამბობს, რომ საქართველოში უცხოელი ინვესტორებისთვის საუკეთესო პირობებია შექმნილი და ეს პირდაპირ უკავშირდება ქვეყნის, რეგიონის სწრაფად განვითარებას, ეკონომიკურ სიძლიერეს.

პაშა გლობალის სასტუმროსა და კაზინოს ინვესტიცია ბათუმში რამდენიმე მილიონი ლარია. აქ 200-ზე მეტი ადამიანის დასაქმებაა გათვალისწინებული. კომპანიის მენეჯმენტის წარმომადგენლები აღნიშნავენ, რომ ბიზნესის წარმატების შემთხვევაში ეს ინვესტიცია ერთი-ორად გაიზრდება.

„სოლიდური გადასახადები, რომელსაც ჩვენ გადავიხდით საქართველოს ბიუჯეტისთვის მნიშვნელოვანი ცვლილება იქნება. ჩვენთვის დიდი პატივია შევიტანოთ საკუთარი, მცირე წვლილი ამ უდიდესი ტრადიციების მქონე ქვეყნის ეკონომიკურ განვითარებაში“, – აღნიშნავს კომპანიის დირექტორი ორკუნ ასანსუ.

რას სთავაზობს Pasha Global-ი ბათუმს

Pasha Global-ს მთელ მსოფლიოში აქვს სასტუმროებისა და კაზინოების სფეროში მუშაობის გამოცდილება. ეს მათთვის კარგად ნაცნობი და წლების განმავლობაში შესწავლილი მიმართულებაა, კომპანიამ სხვადასხვა ქვეყნის გამოცდილება გაითვალისწინა და  საქართველოსთვის საუკეთესო სერვისების შეთავაზებას გეგმავს.

საერთაშორისო სტანდარტის სასტუმრო ბათუმის ცენტრში ტურისტებს დიდ და მოსახერხებელ ოთახებს მოუმზადებს. აქ მოსულ სტუმრებს სასიამოვნო და გემოვნებიანი ატმოსფერო, ტრადიციული ქართული და სხვადასხვა ქვეყნის უგემრიელესი სამზარეულო დახვდებათ.

Pasha Global-ის ქსელის სასტუმროს ნომერი პარამარიბოში

აღსანიშნავია ისიც, რომ Pasha Global-ის წარმომადგენლებს სურთ ყველა სერვისი ხელმისაწვდომი იყოს ადგილობრივი მოსახლეობისთვის და არ იყოს გათვლილი მხოლოდ მდიდარ ტურისტებზე.

კომპანიის კაზინოები ერთ-ერთი საუკეთესო სერვისით გამოირჩევა მთელ მსოფლიოში, აქ ეწყობა მსოფლიო მნიშვნელობის ტურნირები პოკერში, რომლის რუკაზე სავარაუდოდ საქართველოც აღმოჩნდება.

სამხრეთამერიკულ კომპანიას ყველგან განსაკუთრებული მომხმარებელი ჰყავს. Pasha Global-ი მხოლოდ გარანტირებულ ხარისხზე აკეთებს არჩევანს.

Pasha Global-ის სასტუმრო, კაზინოს და ბისტრო ბათუმის ცენტრში რამდენიმე დღეში საზეიმოდ გაიხსნება. კომპანია  მსოფლიო მასშტაბით მარკეტინგულ კამპანია გეგმავს, რომლის ერთ-ერთი მიზანიც საქართველოში ტურისტების მოზიდვა იქნება.