ჰააგის სასამართლომ რუსეთს დაავალა უკრაინული კომპანიებისთვის კონპენსაციის გადახდა

ჰააგის საარბიტრაჟო სასამართლომ რუსეთს 159 მლნ დოლარის კონპენსაციის გადახდა დააკისრა იმ უკრაინული კომპანიებისთვის, რომლებიც რუსეთის მიერ ყირიმის ანექსიის დროს დაზარალდენენ.

სასამართლოს გადაწყვეტილებით, რუსეთმა ყირიმის შეერთებით დაარღვია უკრაინელი ინვესტორების უფლება, როდესაც მათ ყირიმში ჩასვლის უფლება შეეზღუდათ. “დოჟდი” წერს, რომ 2015 წელს სასამართლოს სარჩელით მიმართეს 18-მა კომპანიამ და “პრივატ ბანკის” ყოფილმა ხელმძღვანელმა. მოსარჩელეთა განცხადებით, 2014 წელს რუსეთმა მათ არ მისცა ყირიმში უძრავ ქონებაში ინვესტიციების განხორციელების შესაძლებლობა, რაც საბოლოოდ იმით დამთავრდა, რომ ქვეყანამ მათი ქონების ექსპროპრიაცია მოახდინა. “უნიანის” ინფორმაცით, ყირიმის ანექსიის შემდეგ ეს პირველი შემთხვევაა, როცა სასამართლომ რუსეთს დააკისრა კონპენსაციის გადახდა. ჰააგის საარბიტრაჟო სასამართლომ  კონპენსაციის დაკისრების გადაწყვეტილება 9 მასის მიიღო.

რუსეთთან მიერთების საკითხზე ყირიმში რეფერენდუმი რუსეთის ხელისუფლებამ 2014 წელს ჩაატარა. რეფერენდუმს უკანონოდ მიიჩნევს უკრაინა და დასავლეთი.

ნეტგაზეთის მასალების სხვა გამოცემებში გადაბეჭდვის წესი


ავტორი
მარიამ ვარადაშვილი არის ნეტგაზეთის რეპორტიორი 2017 წლის სექტემბრიდან.