ზოგს ტორტი მოსწონს, ზოგს რუსული პეროგი: მეუფე იაკობი რუსულ გავლენებზე სასულიერო პირებში

პატრიარქის ქორეპისკოფოსი იაკობი აშშ-ის დედაქალაქ ვაშინგტონში იმყოფება. ის აშშ-ში ბოლო რამდენიმე თვის მანძილზე უკვე მესამედ ჩავიდა.

ქორეპისკოპოსთან ინტერვიუ ტელეკომპანია “რუსთავი2”-მა ჩაწერა. ჟურნალისტმა მას ეკლესიაში რუსული ძალების გაძლიერებაზე ჰკითხა. იაკობის თქმით, თავად რუსეთთან ვერ იმეგობრებს, თუმცა გემოვნებაზე არ დავობენ:

“გემოვნებაზე, საერთოდ, არ დავობენო, ხომ? ზოგს ტორტი მოსწონს, ზოგს რუსული პეროგი. მე მტრის ხატს არ ვქმნი, მაგრამ ტერიტორიას ვინც მართმევს, როგორც ვიმეგობრო მასთან?”.

როგორც ქორეპისკოპოსმა “რუსთავი2”-ს განუცხადა, ვაშინგტონში სახელმწიფო დეპარტამენტის მიწვევით იმყოფება. ვიზიტის ფარგლებში ის ევროპისა და ევრაზიის ბიუროების წარმომადგენლებს შეხვდება, მთავარი თემა კი საპატრიარქოს უნივერსიტეტის გაძლიერება იქნება.

ნეტგაზეთის მასალების სხვა გამოცემებში გადაბეჭდვის წესი


ავტორი
მიხეილ გვაძაბია არის ნეტგაზეთის რეპორტიორი 2017 წლის სექტემბრიდან