“გირჩის” ლიდერის, ზურაბ ჯაფარიძის განცხადებით, პარტიის წევრები, იაგო ხვიჩია და ვახტანგ მეგრელიშვილი დააკავეს. როგორც “ნეტგაზეთს” ზურაბ ჯაფარიძემ უთხრა, ამ დროისთვის არ იციან, სად გადაიყვანეს დაკავებულები.”ჯერჯერობით მხოლოდ ის ვიცით, რომ დააკავეს და სადღაც გადაიყვანეს. სხვა ინფორმაცია ამ ეტაპზე არ გვაქვს,”-აცხადებს ზურაბ ჯაფარიძე. “ნეტგაზეთი” შსს-ს დაუკავშირდა, თუმცა უწყებაში ამ საკითხზე ჯერჯერობით კომენტარს არ აკეთებენ.