მოწევის წესების დარღვევის გამო ერთ დღეში 3 ადამიანი დააჯარიმეს

შინაგან საქმეთა სამინისტროს ცნობით, მოწევის შესახებ კანონის ძალაში შესვლის შემდეგკანონის დარღვევისთვის  3 ადამიანი დააჯარიმეს.

შსს–ს ცნობით, „თამბაქოს კონტროლის შესახებ“ საქართველოს კანონის ძალაში შესვლის შემდეგ, 1 მაისის 07:00 საათიდან 2 მაისის 07:00 საათამდე, აღნიშნული კანონის დარღვევასთან დაკავშირებით, მთელი ქვეყნის მასშტაბით, საპატრულო პოლიციაში სულ 12 შეტყობინება შევიდა.

მოწოდებული ინფორმაციის მიხედვით, საპატრულო პოლიციამ თითოეულ შეტყობინებაზე შესაბამისი რეაგირება მოახდინა, გაფორმდა 3 საჯარიმო ოქმი და დაჯარიმდა 3 მოქალაქე. 12 შეტყობინებიდან კი კანონდარღვევის 9 ფაქტი არ დადასტურდა.

“თამბაქოს კონტროლის შესახებ” კანონი 2018 წლის 1 მაისიდან ამოქმედდა. მისი მიხედვით, მოწევა აიკრძალება შენობა–ნაგებობებში, საზოგადოებრივ ტრანსპორტში, გარდა დადგენილი გამონაკლისებისა.

სად ვეღარ მოწევ სიგარეტს პირველი მაისიდან

ნეტგაზეთის მასალების სხვა გამოცემებში გადაბეჭდვის წესი


ავტორი
მიშა მეფარიშვილი არის ნეტგაზეთის რეპორტიორი 2010 წლიდან. აშუქებს კულტურის პოლიტიკის, ადამიანის უფლებების საკითხებს და სხვა მიმდინარე თემებს. Email: mishameparishvili@gmail.com