სახელმწიფო მოძალადე აღარ არის, მაგრამ სამწუხაროდ ინსტიტუტები შევასუსტეთ – პრეზიდენტი

“დღეს ჩვენ შეგვიძლია ვთქვათ, რომ 2012 წლის შემდეგ ბევრი რამ იქნა მიღწეული. 6 წლისთავზე შეიძლება ითქვას, რომ სახელმწიფომ საგარეო პოლიტიკის კუთხით მნიშვნელოვანი ნაბიჯები გადადგა, სახელმწიფო აღარ არის მოძალადე, მაგრამ ამ 6 წლის განმავლობაში ჩვენ, სამწუხაროდ, ინსტიტუტები შევასუსტეთ და ვერ შევქმენით უფრო დემოკრატიული სახელმწიფო სისტემა, რომელიც უფრო სწრაფად მიებმებოდა ხალხს”, – ეს განცხადება საქართველოს პრეზიდენტმა გიორგი მარგველაშვილმა პარლამენტში სიტყვით გამოსვლისას გააკეთა.

მან ქართული ოცნების ხელისუფლებაში ყოფნის 6 წელი შეაფასა და ხაზი მიღწევებსა და გამოწვევებს, ასევე, პრობლემებს გაუსვა.

“ჩვენ შევედაით იმ რეალობაში, რომელშიც ვინც პოლიტიკაში ყოფილხართ, გახსოვთ, სხვა პოლიტიკური პარტიებიც შედიოდნენ: მოქალაქეთა კავშირი, ნაციონალური მოძრაობა.  როდესაც ხელისუფლების იმხელა კონცენტრაცია ხდება, რომ ის უკვე საშიშია დემოკრატიისათვის, მმართველი პარტიისთვის. ჩვენ არ გვაქვს იმის ფუფუნება, რომ კიდევ ერთხელ დრამატული ცვლილებების ეპოქაში შევიდეთ. დემოკრატია და ხლეისუფლების გადანაწილება არის პასუხი მთელ იმ პრობლემებზე, რაზეც მე თქვენ მოგახსენებდით. საქართველოს ისტორიის მაგალითები ჩვენ უნდა გავითვალისწინოთ”, – თქვა პრეზიდენტმა.

სრულად პრეზიდენტის მოხსენებას შეგიძლიათ უსმინოთ აქ.

 

საქართველოს პრეზიდენტის საპარლამენტო გამოსვლა 🇬🇪

Posted by Giorgi Margvelashvili on Wednesday, May 2, 2018

ნეტგაზეთის მასალების სხვა გამოცემებში გადაბეჭდვის წესი


ავტორი
დათო ქოქოშვილი არის ნეტგაზეთის რედაქტორი 2018 წლის 1 თებერვლიდან. მანამდე ის იყო ნეტგაზეთის რეპორტიორი 2013 წლიდან. Email: davit.qoqoshvili@gmail.com