დღეს, 28 აპრილს ბაქოში “ტრამპ თაუერს” ცეცხლი გაუჩნდა. როგორც თვითმხილველების მიერ გავრცელებულ ვიდეოებში ჩანს, ხანძარი შენობის ბოლო სართულებზე გაჩნდა.
https://www.youtube.com/watch?v=eSDwfRnVuk0
აზერბაიჯანულ მედიაში გავრცელებული ინფორმაციით, ხანძარი ჯერ კიდევ არ არის ლიკვიდირებული. გარდა ამისა, ჯერჯერობით უცნობია მისი მიზეზებიც. ადგილზე სახანძრო ბრიგადებია მობილიზებული.
RIA-ს ინფორმაციით, ბაქოს “ტრამპ თაუერის” სიმაღლე 130 მეტრია, ის 33 სართულისგან შედგება.
აპრილის თვის მონაცემებით, ეს პირველი შემთხვევა არ არის, როდესაც “ტრამპ თაუერს” ცეცხლი უჩნდება. 8 აპრილს ნიუ იორკში, “ტრამპ თაუერში” გაჩენილ ხანძარს ერთი ადამიანი ემსხვერპლა.
- აშშ-ის ამჟამინდელი პრეზიდენტი დონალდ ტრამპი 2012 წლის აპრილში საქართველოში იმყოფებოდა. ბათუმში, საქართველოს მესამე პრეზიდენტ მიხეილ სააკაშვილთან ერთად, მან „თაუერის“პროექტი წარადგინა.
- ბათუმში „ტრამპ თაუერი“ არ აშენდა, თუმცა 2017 წელს ცნობილი გახდა, რომ მის ნაცვლად, ბიძინა ივანიშვილთან დაკავშირებული ფონდის დაფინანსებით, „სილქ თაუერი“ აშენდება.