ახალი ამბებისამხრეთ კავკასიის ამბები

რუსეთი “გაზპრომ სამხრეთ ოსეთის” სრული მესაკუთრე ხდება

27 აპრილი, 2018 • 2033
რუსეთი “გაზპრომ სამხრეთ ოსეთის” სრული მესაკუთრე ხდება

რუსეთის მთავრობამ რუსეთისა და სამხრეთ ოსეთის დე ფაქტო რესპუბლიკის ერთობლივი შეთანხმება მოიწონა. ინფორმაციას სამხრეთ ოსეთის დე ფაქტო რესპუბლიკის საინფორმაციო სააგენტო რეს-ი ავრცელებს.

შეთანხმების შესაბამისად, რუსული კომპანია “გაზპრომი” სამხრეთ ოსეთის დე ფაქტო რესპუბლიკის ტერიტორიაზე არსებული ბუნებრივი აირის ინფრასტრუქტურის მოდერნიზაციასა და რეკონსტრუქციაში 2 მილიარდი რუბლის ინვესტიციის ვალდებულებას იღებს, სანაცვლოდ კი,  ერთობლივი კომპანია “გაზპრომ სამხრეთ ოსეთის” სრული მესაკუთრე ხდება.

აქამდე აღნიშნული კომპანიის [“გაზპრომ სამხრეთ ოსეთი”] 25% ოსურ მხარეს ეკუთვნოდა.

ოსური მხარის წილის გაყიდვა კი იმას ნიშნავს, რომ სამხრეთ ოსეთის ტერიტორიაზე არსებული შესაბამისი ინფრასტრუქტურა, მათზე უფლებები და ინტერესები მთლიანად რუსული მხარის საკუთრებაში გადადის.

შეთანხმების ღირებულება არ გასაჯაროებულა.

მასალების გადაბეჭდვის წესი