The Chemical Brothers-ის კონცერტის ბილეთების გაყიდვა დაიწყო

დღეს, 21 აპრილს, დილის 10 საათიდან, tkt.ge-ზე დაიწყო The Chemical Brothers-ის კონცერტის ბილეთების პირველი კალათის გაყიდვა, რაც ბილეთების შეზღუდული რაოდენობით გამოტანას გულისხმობს დაბალ ფასად. კონცერტი რუსთავის მოტოდრომზე 2018 წლის პირველ სექტემბერს გაიმართება.

ერთ ადამიანს მაქსიმუმ 6 ბილეთის შეძენა შეუძლია და ის ღირს:

  • Silver ring – 50 ლარი;
  • Golden ring – 150 ლარი;
  • Vip – 360 ლარი.

VIP ბილეთი მოიცავს სპეციალურ გადახურულ ტერასას, ავტომობილის საპარკინგე სივრცეს, უფასო ბარის მომსახურებას და კვებას. ორგანიზატორების ცნობით, პირველი კალათის ბილეთების ამოწურვის შემდეგ დაიწყება ძირითადი გაყიდვა, შესაბამისად, ფასიც გაიზრდება და ეღირება:

  • Silver ring – 90 ლარი;
  • Golden ring – 200 ლარი;
  • Vip – 450 ლარი.
ნეტგაზეთის მასალების სხვა გამოცემებში გადაბეჭდვის წესი


ავტორი
თაზო კუპრეიშვილი არის "ნეტგაზეთის" რედაქტორი 2018 წლის პირველი თებერვლიდან.