მილოშ ფორმანი. ფოტო: EPA/PEDRO ROSARIO

რეჟისორი მილოშ ფორმანი გარდაიცვალა

ოსკაროსანი რეჟისორი მილოშ ფორმანი 86 წლის ასაკში გარდაიცვალა. ამის შესახებ “Reuters”  ჩეხური მედიაზე დაყრდნობით იუწყება.

რეჟისორის ცოლის განცხადებით, ფორმანი მცირეხნიანი ავადმყოფობის შემდეგ, პარასკევს, აშშ-ში, ნათესავებისა და მეგობრების გარემოცვაში გარდაიცვალა.

ფორმანი 1932 წელს ჩეხეთში დაიბადა, თუმცა 1968 წელს, “პრაღის გაზაფხულის” შემდეგ, ქვეყანა დატოვა და აშშ-ში გადავიდა, რომლის მოქალაქე 1970 წელს გახდა.

მისმა ფილმებმა, “ვიღაცამ გუგულის ბუდეს გადაუფრინა” და “ამადეუსი”, ჯამში, 13 ოსკარი მიიღო. ორივე ფილმმა ფორმანს აკადემიის საუკეთესო რეჟისორის ჯილდოც მოუტანა.

 

ნეტგაზეთის მასალების სხვა გამოცემებში გადაბეჭდვის წესი


ავტორი
მიხეილ გვაძაბია არის ნეტგაზეთის რეპორტიორი 2017 წლის სექტემბრიდან