მან კიდევ ერთხელ განმარტა, თუ რატომ გააკეთა მეორე ტურთან დაკავშირებით ისეთი შეფასებები, რომ გიორგი მარგველაშვილს არ ურჩევდა მასში მონაწილეობას. მან ბოდიში მოუხადა ამისთვის საზოგადოებას, თუმცა იქვე დააზუსტა: “ამით მსურდა დამენახა, რომ სწორად ვგრძნობ და ამიტომ არ მინდოდა მეორე ტური. ძალიან მაგარი ხალხი ვართ, ყველაფერს კარგს ვიმსახურებთ და მიიღებთ კიდეც, საქმით დავამტკიცებთ, ყველანი ერთად ავაშენებთ ჩვენს ბედნიერ საქართველოს”, – განაცხადა ბიძინა ივანიშვილმა.

მხარდამჭერებს, ასევე, სიტყვით მიმართა პრეზიდენტობის კანდიდატმა გიორგი მარგველაშვილმა, რომელმაც ეგზიტპოლების შედეგებით დღევანდელ არჩევნებში გაიმარჯვა.

“დიდ მადლობას გიხდით ყველას, მართლა გმადლობთ, რომ ეს გამარჯვება ერთად მოვიპოვეთ”, – განაცხადა გიორგი მარგველაშვილმა, რომელმაც განსაკუთრებული მადლობა გადაუხადა ბიძინა ივანიშვილს.

ზეიმის ნიშნად “ქართული ოცნების” შტაბთან ლურჯი ბუშტები გაუშვეს.

შეკრებილებს სიტყვით მიმართა პარლამენტის თავმჯდომარემ დავით უსუფაშვილმაც.