ინდოეთში სკოლის ავტობუსი ხეობაში გადავარდა – დაიღუპა 27 ბავშვი

BBC-ის ინფორმაციით, ინდოეთის მთიან რეგიონში სკოლის ავტობუსის ხეობაში გადავარდნის შედეგად მინიმუმ 30 ადამიანი დაიღუპა, ხოლო მათი უმეტესობა ბავშვია.

როგორც AFP-ს ადგილობრივი პოლიციის თანამშრომელმა, სანტოშ პაატალმა განუცხადა, ავტობუსის ხევში გადავარდნის შედეგად დაიღუპა 27 მოსწავლე, ავტობუსის მძღოლი და ორი მასწავლებელი. მგზავრების უმეტესობა 10 წლამდე ასაკის იყო.

ინციდენტი დღეს საღამოს ინდოეთის ჩრდილოეთ-დასავლეთ შტატში, ჰიმაჩალ-პრადეში მოხდა.

BBC წერს, რომ ინდოეთში ავტოსაგზაო შემთხვევები ხშირია, რადგან მძღოლები საშინლად ატარებენ ავტომობილებს. გარდა ამისა, როგორც ბრიტანული გამოცემა აღნიშნავს, ავტოსაგზაო შემთხვევებს ცუდი გზები და გაუმართავი მანქანებიც იწვევს.

ინდოეთის მთიან რეგიონში, სკოლის ავტობუსის ხეობაში გადავარდნის შედეგად, მინიმუმ 30 ადამიანი, ხოლო მათი უმეტესობა ბავშვია.. ფოტო: HT PHOTO

ნეტგაზეთის მასალების სხვა გამოცემებში გადაბეჭდვის წესი


ავტორი
გიორგი დიასამიძე არის ნეტგაზეთის რეპორტიორი 2014 წლიდან. აშუქებს საზოგადოებრივ-პოლიტიკურ თემებს, სპორტს და სხვა მიმდინარე მოვლენებს. ასევე, მუშაობს განათლების, ადამიანის უფლებებისა და სოციალურ საკითხებზე.