BBC: „ტრამპ თაუერში“ გაჩენილი ხანძრის შედეგად 1 ადამიანი დაიღუპა

BBC-ის ინფორმაციით, ნიუ-იორკში, „ტრამპ თაუერში“ გაჩენილი ხანძრის შედეგად, ერთი ადამიანი დაიღუპა. ცეცხლი შენობის 50-ე სართულზე გაჩნდა, სადაც მაღალი რანგის ბინები და საოფისე ფართებია.

სახანძრო-სამაშველო სამსახური წუხელ აცხადებდა, რომ სერიოზულად დაშავებული არავინ იყო, რადგან სწრაფი რეაგირება მოახდინეს, რისთვისაც ტვიტერით დონალდ ტრამპმა მეხანძრეებს მადლობა გადაუხადა. აშშ-ის პრეზიდენტმა განაცხადა, რომ “ხანძარი უმნიშვნელო იყო, რადგან მისი „თაუერი“ კარგადაა აშენებული”.

დონალდ ტრამპმა ამერიკის შეერთებული შტატების პრეზიდენტად არჩევის შემდეგ საცხოვრებელი სახლისა და ოფისის შენობები შეიცვალა. ამჟამად ის ვაშინგტონში იმყოფება.

ხანძარი ტრამპ თაუერში. ფოტო: ნიუ-იორკის სახანძრო სამსახური

ნეტგაზეთის მასალების სხვა გამოცემებში გადაბეჭდვის წესი


ავტორი
გიორგი დიასამიძე არის ნეტგაზეთის რეპორტიორი 2014 წლიდან. აშუქებს საზოგადოებრივ-პოლიტიკურ თემებს, სპორტს და სხვა მიმდინარე მოვლენებს. ასევე, მუშაობს განათლების, ადამიანის უფლებებისა და სოციალურ საკითხებზე.