Al Jazeera: ისრაელის ძალებმა ღაზაში დემონსტრაციის გაშუქებისას პალესტინელი ჟურნალისტი მოკლეს

პალესტინელი ჟურნალისტი, რომელსაც ისრაელის შეიარაღებულმა ძალებმა ღაზაში მასობრივი დემონსტრაციისას ესროლეს, მიყენებული ჭრილობებით გარდაიცვალა. ინფორმაციას ტელეკომპანია „ალ ჯაზირა“ ავრცელებს.

პალესტინის ჯანდაცვის უწყების ცნობით, 30 წლის ჟურნალისტ იასერ მურთაჯას, რომელიც ღაზაში მოქმედ გამოცემა Ain Media-ში მუშაობდა, ღაზას სამხრეთით, მუცლის არეში ესროლეს, მუხედავად იმისა, რომ მას პრესის ჟილეტი ეცვა.

პალესტინელი ჟურნალისტების ცნობით, პარასკევის დემონსტრაციების გაშუქებისას კიდევ შვიდი რეპორტიორი დაშავდა. ადგილზე მოქმედი ჟურნალისტების გაერთიანება გაეროსმ ოუწოდებს მათი დაცვის უზრუნველყოფისკენ.

„ალ ჯაზირას“ ცნობით, 30 მარტს პალესტინელების მიერ დასავლეთის სანაპიროზე დაწყებული დემონსტრაციების შემდეგ ისრაელის ძალებთან შეტაკებებისას 31 ადამიანი დაიღუპა.

პალესტინელი ჟურნალისტი, იასერ მურთაჯა. ფოტო: Ibraheem Abu Mustafa/Reuters

ნეტგაზეთის მასალების სხვა გამოცემებში გადაბეჭდვის წესი


ავტორი
გიორგი დიასამიძე არის ნეტგაზეთის რეპორტიორი 2014 წლიდან. აშუქებს საზოგადოებრივ-პოლიტიკურ თემებს, სპორტს და სხვა მიმდინარე მოვლენებს. ასევე, მუშაობს განათლების, ადამიანის უფლებებისა და სოციალურ საკითხებზე.