თბილისში ელექტროგადამცემი ანძიდან კაცი გადმოხტა

თბილისში, ლაგუნა ვერეს მიმდებარე ტერიტორიაზე, ელექტრობოძიდან კაცი გადმოხტა. როგორც “ნეტგაზეთს” საგანგებო სიტუაციათა მართვის სააგენტოში განუცხადეს, ის მაშველების მიერ გაშლილ სპეციალურ ბალიშზე დაეცა.

კაცი სასწრაფო სამედიცინო დახმარების მანქანაში მოათავსეს, სადაც შესაბამისი დახმარება აღმოუჩინეს.

სასწრაფო სამედიცინო სამსახურის ცნობით, კაცს სხეულზე დაზიანებები არ აღენიშნება, თუმცა მიღებული სტრესის შემდეგ, დაკცვირვების მიზნით, ფსიქიატრიულ კლინიკაში გადაიყვანეს.

ელექტრობოძზე ასულ პირთან სამართალდამცავები და მაშველები მოლაპარაკებებს აწარმოებდნენ. გადმოხტომამდე ის ადგილზე მედიის მისვლას ითხოვდა და ამბობდა, რომ განცხადება უნდა გაეკეთებინა.

 

ნეტგაზეთის მასალების სხვა გამოცემებში გადაბეჭდვის წესი


ავტორი
მიხეილ გვაძაბია არის ნეტგაზეთის რეპორტიორი 2017 წლის სექტემბრიდან