Airbnb-ზე თბილისის ჯავშნების 63% მთაწმინდასა და ჩუღურეთზე მოდის

2017 წელს Airbnb-ზე  რეგისტრირებული თბილისის ბინების რაოდენობა 70%-ით გაიზარდა. Airbnb-ის საშუალებით თბილისში ყველაზე ხშირად ერთოთახიან ბინებს ქირაობენ.  

Colliers International Georgia-ს კვლევის მიხედვით, თუ 2016 წელს Airbnb-ის სიაში თბილისის  5 678  უძრავი ქონება იყო რეგისტრირებული, 2017 წელს ეს რიცხვი 9 679-მდე გაიზარდა.

თბილისის სახლების  დღიურმა საშუალო ღირებულებამ Airbnb-ზე 2017 წელს 43 დოლარი შეადგინა.  დატვირთულობის კოეფიციენტით Airbnb -ზე სოლოლაკი, მთაწმინდა, ავლაბარი, ჩუღურეთი და ვერა ლიდერობენ.  თუმცა მხოლოდ მთაწმინდასა და ჩუღურეთის რაიონებზე Airbnb-ზე ჯავშნების 63% მოდის. 

ნახეთ, როგორი ტიპის საცხოვრებლებს ჯავშნიდნენ თბილისში 2017 წელს Airbnb -ზე და საშუალო დღიური ფასი გასაქირავებელი ბინის ტიპის მიხედვით:

თბილისის სასტუმროების ბაზრის კვლევა Colliers International Georgia-მა საქართველოს ეკონომიკისა და მდგრადი განვითარების სამინისტროს სააგენტოს “აწარმოე საქართველოში” დაკვეთით ჩაატარა.

მკვლევრების გუნდმა მუშაობა 2017 წლის ოქტომბრიდან დაიწყო და  2018 წლის თებერვალში დაასრულა. მისი პრეზენტაცია ახლახან გაიმართა.

ნეტგაზეთის მასალების სხვა გამოცემებში გადაბეჭდვის წესი


ავტორი
მარიამ ვარადაშვილი არის ნეტგაზეთის რეპორტიორი 2017 წლის სექტემბრიდან.