სამთავრობო ცვლილებებს მთავრობის ადმინისტრაციაში არ ადასტურებენ

მთავრობის ადმინისტრაციაში არ ადასტურებენ გავრცელებულ ინფორმაციას დაგეგმილი სამთავრობო ცვლილებების შესახებ. დღეს რამდენიმე მედიასაშუალებამ, მათ შორის ტელევიზიებმა, გაავრცელს ინფორმაცია იმის თაობაზე, რომ საქართველოს რეგიონული განვითარებისა და ინფრასტრუქტურის მინისტრის თანამდებობაზე ზურაბ ალავიძეს მთავრობის ადმინისტრაციის უფროსი მაია ცქიტიშვილი შეცვლის.

ამ ინფორმაციას მთავრობის ადმინისტრაციაში არ ადასტურებენ.

ამავე ინფორმაციის მიხედვით, შესაძლოა ცვლილებები სხვა მინისტრებსაც შეეხოთ, თუმცა მთავრობის ადმინისტრაციაში ამ ცნობებსაც უარყოფენ.

შესაძლო ცვლილებების თაობაზე კომენტარი დღეს პრემიერ-მინისტრმაც გააკეთა. შესაბამისი კითხვა მას რ2-მა დაუსვა. პრემიერის თქმით, ცვლილებები ჩვეულებრივი ამბავია, თუმცა პირადად ის არსად წასვლას არ აპირებს.

„ცვლილებები არის ჩვეულებრივი ამბავი, ჯერჯერობით მე არსად წასვლას არ ვაპირებ, ძალიან მნიშვნელოვანი საქმეები გვაქვს ასეთი კიდევ გასაკეთებელი და დამშვიდდით, დაწყნარდით. ქვეყანას სჭირდება სტაბილურობა, ყველაფერი კარგად იქნება,“- ეს განცხადება პრემიერ-მინისტრმა გიორგი კვირიკაშვილმა ეკონომიკის სამინისტროს სსიპ ტურიზმის ეროვნული ადმინისტრაციის 2017 წლის ანგარიშის პრეზენტაციაზე, სამთავრობო ცვლილებებთან დაკავშირებით დასმული კითხვის საპასუხოდ გააკეთა.

ნეტგაზეთის მასალების სხვა გამოცემებში გადაბეჭდვის წესი


ავტორი
დათო ქოქოშვილი არის ნეტგაზეთის რედაქტორი 2018 წლის 1 თებერვლიდან. მანამდე ის იყო ნეტგაზეთის რეპორტიორი 2013 წლიდან. Email: davit.qoqoshvili@gmail.com