ბექაურის თქმით, GNCC მომხმარებლებს ფეიქ-ნიუსისა და სიმართლის გარჩევაში დაეხმარება

„კომუნიკაციების ეროვნულ კომისიას ახალი ფუნქცია დაეკისრა – ესაა მედიაწიგნიერების ფუნქცია”, – GNCC-ის ცნობით, ამის შესახებ კომისიის ეროვნული კომისიის თავმჯდომარემ კახა ბექაურმა გადაცემა „იმედის კვირის“ პირდაპირ ეთერში განაცხადა.

მისი თქმით, ამ მიმართულებით ბევრ ევროპულ ქვეყანას კარგი გამოცდილება აქვს და კომისია სწორედ ამ ქვეყნებისა და წარმატებული პრაქტიკის გაზიარებით განახორციელებს ამ ძალიან საჭირო და მნიშვნელოვან საკითხს.

„თანამედროვე ეპოქაში მოხმარებლის ქცევა იცვლება, აღარ ხდება მხოლოდ სახლში მედიაკონტენტის მოხმარება. მომხამრებელი უკვე ნებისმიერ დროს მოიხმარს მედიაპროდუქტებს- მოძრაობისას, მანქანაში, ქუჩაში. შესაბამისად, დიდი გამოწვევაა, რომ მედია კარგად გადაეწყოს ამ ახალ რეალობაზე. მეორე პრობლემა ხარისხია, ანუ ბაზარზე კვალიფიციური ადამინებია საჭირო, რომ კარგი პროდუქტები შეიქმნას. კომისიას ეს ორი გამოწვევა კარგად ესმის. ჩვენ დეკემბერში ახალი საკანონდებლო ცვლილებების ინიცირებით გამოვედით და ამ საკითხს პირველად თქვენს ეთერში ვამბობ – კომუნიკაციების კომისიას ახალი ფუნქცია დაემატა, ეს არის მედიაწიგნიერების ფუნქცია. შესაბამისად, ჩვენ აქტიურად ვმუშაბოთ ამ მიმართულებით. ეს პროცესი რამდენიმე ევროპულ ქვეყანაში უკვე დაწყებულია და კარგი გამოცდილება არსებობს, რომელსაც ვიზიარებთ”, – განაცხადა ბექაურმა.

მისივე თქმით, მედიაწიგნიერება სამი ძირითადი მიმართულებით განვითრებას და მუშობას გულისხმობს.

“ჩვენ ვაპირებთ, რომ შევქმანთ პლატფორმა, დავაფუძნოთ იურიდიული პირი და მედიაკონკტენტის მწარმოებლებს, ესენი არიან ჟურნალისტები, პროდიუსერები, მენეჯერები, მათთვის შევქმნათ სამთვიანი ან ექვსთვიანი კურსები, სადაც მულტიმედიური კონტენტის წარმოების ცოდნისა და კვლაიფიკაციის ამაღლებაში მივეხამრებით. გავაკეთებთ რამდენიმე კარგ კურსს, ჩამოვიყვანთ მაღალი დონის და კვალიფიკაციის უცხოელ ექსპერტებს, რამდენიმე მათგანთან მოლაპარაკებები უკვე დაწყებული გვაქვს.

მეორე ნაწილი ეს არის მედიაკრიტიკის განვითარება, რომელიც თავად ჟურნალისტებსა და პროდიუსერებს შეუწყობს ხელს და, მეორე მხრივ, მომხარებლებისთვის იქნება გარკვეული გზამკვლევი, ამიტომ მედიაკრიტიკის განვითარება გვინდა ბაზარზე.

მესამე კომპონენტი არის მომხმარებელი. ამ ცვალებად და მრავალფეროვან გარემოში თავად ჟურნალისტებსაც კი უჭირთ გაარჩიონ, რომელია ფეიკ-ნიუსი, რომელია სიმართლე, რომელია პროპაგანდა – არათუ მომხარებელს. ამიტომ ჩვენ სამომხმარებლო ჯგუფებს დავეხმარებით ამის გარჩევაში. ამ მიმართულებითაც გარკვეული გამოცდილება უკვე არსებობს და ვფიქრობთ, რომ ჩამოვიყვანოთ ადამიანები, რომლებსაც წარმატებული პროექტები აქვთ გაკეთებული. გვინდა მომხარებელს მივცეთ ცოდნა, რომ გაარჩიონ ხარისხიანი და უხარისხო ახალი ამბავი“. – განაცხადა „იმედის კვირაში“ კომუნიკაციების ეროვნული კომისიის თავმჯდომარემ.

ნეტგაზეთის მასალების სხვა გამოცემებში გადაბეჭდვის წესი


ავტორი
დათო ქოქოშვილი არის ნეტგაზეთის რედაქტორი 2018 წლის 1 თებერვლიდან. მანამდე ის იყო ნეტგაზეთის რეპორტიორი 2013 წლიდან. Email: davit.qoqoshvili@gmail.com