15 მარტს თბილისში, ისანსა და აეროპორტის გზატკეცილზე ჩატარებული სპეცოპერაციისას 2 ადამიანი დააკავეს. ინფორმაციას “რუსთავი2” ავრცელებს.
ტელეარხის ცნობით, სამართალდამცავების მიერ დაკავებულთაგან ერთი კრიმინალური ავტორიტეტი, მეორე კი – მისი ძმაა. მისივე ცნობით, გამოძიება დაკავებულებს მოქალაქისთვის თანხის გამოძალვასაც ედავება.
“ნეტგაზეთმა” ინფორმაციის გადამოწმება შსს-ში სცადა, თუმცა უწყების პრესსამსახურში განაცხადეს, რომ ფაქტთან დაკავშირებით ოფიციალურ ინფორმაციას ხვალ გაავრცელებენ.