ნარკოტიკული საშუალების გასაღების ბრალდებით პოლიციელი დააკავეს

შინაგან საქმეთა სამინისტროს ინფორმაციით, მოსამართლის განჩინების საფუძველზე, თბილისის პოლიციის დეპარტამენტის ვაკე-საბურთალოს სამმართველოს მე-7 განყოფილების დეტექტივის თანაშემწე-გამომძიებელი ნარკოტიკული საშუალების უკანონო შეძენა-შენახვისა და გასაღების ბრალდებით დააკავეს.

როგორც შსს აცხადებს, ბ.ა-მ ერთ-ერთ მოქალაქეს უკანონოდ მიჰყიდა “ტეტრაჰიდროკანაბინოლის” შემცველი ნარკოტიული საშუალება. გამოძიება ნარკოტიკული საშუალების უკანონო შეძენა-შენახვა-გასაღების ფაქტზე მიმდინარეობს, საქართველოს სსკ-ს 260-ე მუხლის 1-ლი და მე-4 ნაწილებით. დამტკიცების შემთხვევაში, დანაშაული 6-დან 11 წლამდე პატიმრობას ითვალისწინებს.

“ტეტრაჰიდროკანაბინოლი” არის ნივთიერება, რომელსაც მარიხუანა შეიცავს, თუმცა უცნობია, ბრალდებულს კონკრეტულად რა ფორმით ჰქონდა ის.

ნეტგაზეთის მასალების სხვა გამოცემებში გადაბეჭდვის წესი


ავტორი
მარიამ ვარადაშვილი არის ნეტგაზეთის რეპორტიორი 2017 წლის სექტემბრიდან.