25 წლის ექიმმა “ცოდნა ფულიაში” 25 ათასი მოიგო

25 წლის ექიმი, ლაშა სამჭკუაშვილი ტელეიმედის გადაცემა “ცოდნა ფულიას” გამარჯვებულია. მან მაქსიმალური თანხა, 25 ათასი ლარი მოიგო.

ლაშა თბილისში დაიბადა. მან თბილისის სახელმწიფო სამედიცინო უნივერსიტეტი დაამთავრა, ხოლო ახლა ჯოენის სამედიცინო ცენტრში მუშაობს საკუთარი სპეციალობით.

გადაცემის დაწყებამდე, ლაშა სამჭკუაშვილმა განაცხადა, რომ პროექტში საკუთარი თავის გამოსაცდელად სურდა მონაწილეობდა. მოგებული ფულით ახალგაზრდა მედიკოსი საკუთარი ოცნების ასრულებას და იაპონიაში სამოგზაუროდ წასვლას გეგმავს. როგორც გადაცემის ბოლოს აღნიშნა, მანამდე მის მეგობრებს ე.წ. მაღარიჩსაც უკისრებს.

ლაშას ჰობია კალათბურთი, ფეხბურთი, ჭადრაკი, ლაშქრობა და ინტელექტუალური თამაშები. კითხვაზე, თუ რატომ იღებდა ამ შოუშ მონაწილეობას, მან ასე უპასუხა:

“საკმაოდ მაცდური ჯილდოა და მინდა საცოლის მშობლებმა მნახონ, რა სასიძო ჰყავთ.”

ლაშა სამჭკუაშვილი აქამდე უკვე იყო “ცოდნა ფულიას” სტუმარი, ოღონდ წინა ჯერზე ის კულისებიდან დაეხმარა მეგობარს. უნდა აღინიშნოს, რომ ამ შეხვედრაში საჭირო დროს მასაც გამოადგა მეგობრების დახმარება.

ლაშა სამჭკუაშვილი გადაცემა “ცოდნა ფულიას” გამარჯვებულია

ნეტგაზეთის მასალების სხვა გამოცემებში გადაბეჭდვის წესი


ავტორი
გიორგი დიასამიძე არის ნეტგაზეთის რეპორტიორი 2014 წლიდან. აშუქებს საზოგადოებრივ-პოლიტიკურ თემებს, სპორტს და სხვა მიმდინარე მოვლენებს. ასევე, მუშაობს განათლების, ადამიანის უფლებებისა და სოციალურ საკითხებზე.