ქალი ცდილობს გადაადგილდეს ქარიშხლის დროს. დრეზდენი, გერმანია. 18.01.18 ფოტო: EPA

9-10 მარტს საქართველოში ძლიერი ქარია მოსალოდნელი

9 მარტს, დღის მეორე ნახევრიდან, საქართველოში დასავლეთის მიმართულების ძლიერი ქარი იქროლებს. 10 მარტის ღამის საათებში ქარი დროგამოშვებით გაძლიერდება. ამის შესახებ ინფორმაციას გარემოს ეროვნული სააგენტო ავრცელებს.

მათივე ინფორმაციით, 8 მარტიდან 10 მარტამდე საქართველოში მოსალოდნელია წვიმა, მაღალ მთაში თოვლი, ასევე მაღალმთიან ზონაში ქარბუქიცაა მოსალოდნელი, ხოლო ზღვაზე – 4-5 ბალიანი შტორმი.

რაც შეეხება თბილისს, როგორც სააგენტოში “ნეტგაზეთს” განუცხადეს, 9-10 მარტს ქარი აქაც გაძლიერდება, თუმცა ამ დროის მონაცემებით გრიგალის საფრთხე არ არსებობს.

“მოსალოდნელმა ძლიერმა ნალექებმა შესაძლებელია მდინარეებზე წყლის დონის მნიშვნელოვანი მატება გამოიწვიოს,” – ნათქვამია სააგენტოს განცხადებაში.

ნეტგაზეთის მასალების სხვა გამოცემებში გადაბეჭდვის წესი


ავტორი
ნინო ბიძინაშვილი არის რეპორტიორი 2017 წლის 25 სექტემბრიდან