ახალი ამბები

სატელეფონო ტენდერში ბილაინმა, ჯეოსელმა და მაგთიმ გაიმარჯვეს

1 მარტი, 2018 • 5793
სატელეფონო ტენდერში ბილაინმა, ჯეოსელმა და მაგთიმ გაიმარჯვეს

სახელმწიფო შესყიდვების სააგენტოს მიერ გამოცხადებულ საკომუნიკაციო მომსახურეობის ტენდერში მაგთიკომმა,  ჯეოსელმა და შ.პ.ს ვიონმა (ბრენდული სახელწოდებით ბილაინმა) გაიმარჯვეს.

კომპანიებს ტენდერში მონაწილეობის მიღება პირველი მარტის ჩათვლით შეეძლოთ. სხდომის ოქმის თანახმად, ტენდერში მონაწილე სამივე კომპანიამ დააკმაყოფილა სატენდერო დოკუმენტაციით დადგენილი პირობები და მოთხოვნები.

სააგენტომ გამარჯვებული კომპანიები დღესვე გამოავლინა. გამარჯვებულ კომპანიებს საჯარო სექტორში დასაქმებული დაახლოებით 260 ათასი აბონენტისთვის  2018-2019 წლებში მომსახურების GSM, UMTS, LTE სტანდარტით გაწევა მოუწევს.

მანამდე გამოცხადებულ ტენდერში, რომელიც ჩაიშალა, მხოლოდ ერთი კომპანია, შპს “ვიონი” (ბრენდული სახელი ბილაინი) მონაწილეობდა.

მასალების გადაბეჭდვის წესი