ბარათაშვილის ქუჩის 2 ნომერში მდებარე შენობაში, საიდანაც ჩამოვარდნილი მინის გამო 5 მოზარდი დაშავდა და ერთი არასრულწლოვანი იმსხვერპლა, ექსპერტიზა ტარდება.
საქართველოს სახელმწიფო ელექტროსისტემის განცხადებით, შენობის მოსაპირკეთებელი სამუშაოები 2008 წელს განხორციელდა და ამჟამად არანაირი სარემონტო სამუშაოები არც ფასადზე და არც შენობაში არ მიმდინარეობდა. სსე–ს ცნობით, მიზეზების დასადგენად სამხარაულის ექსპერტიზა აწარმოებს მოკვლევას.
დღეს, 28 თებერვალს, თბილისში, ბარათაშვილის ქუჩაზე მდებარე შენობის ფასადიდან შუშის ჩამოვარდნის შედეგად მძიმედ დაშავებული 13 წლის ბავშვი გარდაიცვალა.
დაშავებულია კიდევ 5 ბავშვი. როგორც სანდაცვის სამინისტროში აცხადებენ, მათ სიცოცხლისთვის საშიში დაზიანებები არ აქვთ.
“ექვსივე მათგანი #70-ე საჯარო სკოლის მოსწავლეები არიან. სასწრაფო სამედიცინო დახმარების ჯგუფების მიერ დაშავებულები თბილისის სხვადასხვა სამკურნალო დაწესებულებაში გადაიყვანეს მიმდინარეობს საგამოძიებო მოქმედებები”, – აცხადებენ შსს-ში.
გამოძიება თავდაპირველად 124-ე მუხლით იყო დაწყებული, ბავშვის დაღუპვის შემდეგ კი გადაკვალიფიცირდა და ამჟამად გამოძიება მიმდინარეობს სსკ-ს 116-ე მუხლით, რაც გაუფრთხილებლობით სიცოცხლის მოსპობას გულისხმობს.
![„გავლენას იქონიებს [გაწევრიანების] პროცესზე“ — შარლ მიშელი „რუსულ კანონზე“](https://netgazeti.ge/wp-content/uploads/2023/05/charles.jpg "„გავლენას იქონიებს [გაწევრიანების] პროცესზე“ — შარლ მიშელი „რუსულ კანონზე“")
