ტედი რინერი სავარაუდოდ თბილისის გრან პრიზე იჭიდავებს

ლეგენდარული ფრანგი ძიუდოისტი, ტედი რინერი თბილისის გრან პრიზე ოფიცილურად დარეგისტრირდა. ამის შესახებ ინფორმაცია ძიუდოს მსოფლიო ფედერაციის ვებ-გვერდზეა აღნიშნული.

28 წლის ტედი რინერი ორგზის ოლიმპიური, ცხრაგზის მსოფლიო და ხუთგზის ევროპის ჩემპიონია. კარიერის დასაწყისში 19 წლის ათლეტმა პეკინის ოლიმპიადაზე ბრინჯაოს მედალი აიღო, ხოლო მას შემდეგ ფაქტობრივად ყველა ჩემპიონატი მოიგო, სადაც კი მონაწილეობა მიიღო.

ფრანგი სპორტსმენი, როგორც წესი, გრან პრიებზე მონაწილეობას არ იღებს. მიუხედავად ამისა, ფაქტია, რომ ტედი რინერი ოფიციალურად დარეგისტრირდა თბილისის გრან პრიზე, რომელიც 30 მარტს დაიწყება და 2 აპრილამდე გაგრძელდება.

ტედი რინერი, ძიუდოს ვარსკვლავი. ფოტო: EPA/MAXIM SHIPENKOV

ნეტგაზეთის მასალების სხვა გამოცემებში გადაბეჭდვის წესი


ავტორი
გიორგი დიასამიძე არის ნეტგაზეთის რეპორტიორი 2014 წლიდან. აშუქებს საზოგადოებრივ-პოლიტიკურ თემებს, სპორტს და სხვა მიმდინარე მოვლენებს. ასევე, მუშაობს განათლების, ადამიანის უფლებებისა და სოციალურ საკითხებზე.