დეა გოშხეთელიანის FB პოსტის გამო გამოცემული ერთი შემაკავებელი ორდერი გაუქმდა

დეა გოშხეთელიანის FB პოსტის გამო ყოფილი მამათილის განცხადების საფუძველზე გამოცემული შემაკავებელი ორდერი ქუთაისის სააპელაციო სასამართლომ გააუქმა. ამის შესახებ ნეტგაზეთს გოშხეთელიანის ინტერესების დამცველ ორგანიზაციაში (საია) განუცხადეს.

საქმე ეხება ქუთაისის პოლიციის მიერ გამოცემულ შემაკავებელ ორდერს, რომლის საფუძველი გოშხეთელიანის ყოფილი მამამთილის მიმართვა გახდა. ყოფილი მამათილი მიიჩნევდა, რომ გოშხეთელიანის მიერ ფეისბუკზე გამქოვეყნებული სტატუსი მასზე ფსიქოლოგიურ ძალადობას ახდენდა.

თუმცა ფეისბუკის სტატუსის გამო გოშხეთელიანის წინააღმდეგ მეორე შემაკავებელი ორდერიც არსებობს, რომელიც თბილისის პოლიციამ მიიღო მისი ყოფილი დედამთილისა და მულის მიმართვის შემდეგ. პოლიციის ამ შემაკავებელ ორდერს საია თბილისის საქალაქო სასამართლოში დღეს ასაჩივრებს.

რატომ შეუზღუდეს დეა გოშხეთელიანს, რომელიც მისი თქმით, ოჯახში ძალადობის მსხვერპლია, მომხდარის შეახებ ფეისბუკზე სტატუსების წერა, შეგიძლიათ იხილოთ მოცემულ ბმულზე.

FB პოსტების გამო დეა გოშხეთელიანის წინააღმდეგ შემაკავებელი ორდერი გამოსცეს – საია

ნეტგაზეთის მასალების სხვა გამოცემებში გადაბეჭდვის წესი


ავტორი
დათო ქოქოშვილი არის ნეტგაზეთის რედაქტორი 2018 წლის 1 თებერვლიდან. მანამდე ის იყო ნეტგაზეთის რეპორტიორი 2013 წლიდან. Email: davit.qoqoshvili@gmail.com