კახეთში, ფშაველი-აბანო-ომალოს დამაკავშირებელ გზატკეცილზე ავტომანქანა ხევში გადავარდა, რის შედეგადაც მძღოლი დაიღუპა, ხოლო ერთი ადამიანი დაშავდა. ინფორმაცია “ნეტგაზეთს” შინაგან საქმეთა სამინისტროში დაუდასტურეს.
უწყების ინფორმაციით, დაშავებული სასწრაფომ საავადმყოფოში გადაიყვანა.
გამოძიება სსკ-ს 276-ე მუხლის მეხუთე ნაწილით მიმდინარეობს, რაც ტრანსპორტის უსაფრთხოების წესის დარღვევას გულისხმობს, რამაც ადამიანის სიცოცხლის მოსპობა გამოიწვია, და ისჯება თავისუფლების აღკვეთით ოთხიდან შვიდ წლამდე.