ახალი ამბები

ოჯახში ძალადობის ბრალდებით პატრულ-ინსპექტორი დააკავეს

14 თებერვალი, 2018 • 2800
ოჯახში ძალადობის ბრალდებით პატრულ-ინსპექტორი დააკავეს

საქართველოს პროკურატურამ საქართველოს შინაგან საქმეთა სამინისტროს გენერალური ინსპექციის თანამშრომლებთან ერთად გატარებული საგამოძიებო და საპროცესო მოქმედებების შედეგად, არასრულწლოვანი შვილის თანდასწრებით მეუღლის მიმართ ოჯახური ძალადობის ჩადენის ფაქტზე,  შინაგან საქმეთა სამინისტროს მესაზღვრე კონტროლიორი, პატრულ-ინსპექტორი ლ.რ. დააკავა. ამ ინფორმაციას პროკურატურა ავრცელებს.

“საქმეზე ჩატარებული გამოძიებით დადგენილია, რომ ლ.რ-მ 2018 წლის 4 იანვარს, არასრულწლოვანი შვილის თანდასწრებით, ფიზიკური შეურაცხყოფა მიაყენა მეუღლეს ლ.კ-ს, რის შემდეგაც ამ უკანასკნელმა განიცადა ძლიერი ფიზიკური ტკივილი და მიიღო სხეულის დაზიანება.ლ.რ-ს მიერ ჩადენილი ქმედება გათვალისწინებულია საქართველოს სისხლის სამართლის კოდექსის 1261-ე მუხლის მე-2 ნაწილის „ბ“ ქვეპუნქტით, რაც სასჯელის სახედ და ზომად ითვალისწინებს თავისუფლების აღკვეთას ერთიდან სამ წლამდე ვადით. მისი დაკავება განხორციელდა თბილისის საქალაქო სასამართლოს მიერ გაცემული განჩინების საფუძველზე. სისხლის სამართლის საქმეზე გრძელდება გამოძიება”, – აცხადებენ პროკურატურაში.

მასალების გადაბეჭდვის წესი