კანონპროექტშ შესაძლო რისკებს ხედავს ჰელსინკის სამოქალაქო ასამბლეის ვანაძორის ოფისის ხელმძღვანელი არტურ საკუნცი.
“ფაქტიურად, ეს კანონპროექტი არის შეზღუდვები ყველა რელიგიური ორგანიზაციისთვის. ასეთ შემთხვევაში სომხური სამოციქულო ეკლესია საქმიანობის სრულად არაკონტროლირებად სივრცეში აღმოჩნდება. ეს კანონპროექტი სომხეთის ეკლესიის მონოპოლიზაციას უზრუნველყოფს”.
სომხეთის იუსტიციის სამინისტროს ოფიციალურ განმარტებაში წერია, რომ “კანონი გარკვეულ ხარვეზებს შეიცავს და არსებულ სიტუაციას არ შეესაბამება, იმ დროს, როდესაც სომხეთში კონსტიტუციური რეფორმებია გატარებული, რესპუბლიკა საერთაშორისო შეთანხმებებს შეუერთდა და საკუთარ თავზე გარკვეული ვალდებულებები აიღო”.
მმართველი რესპუბლიკური პარტიის წარმომადგენელი არმენ აშოტიანი კანონში შესაძლო ცვლილებებს ადრე ასე ასაბუთებდა: აუცილებელია კანონით გავამყაროთ და კატეგორიულად ავკრძალოთ ტოტალიტარული და დესტრუქციული სექტების საქმიანობა.
კანონპროექტის თანახმად, თუ რელიგიური ორგანიზაცია რეგისტრირდება როგორც ქრისტიანული სტრუქტურა, რეგისტრატორმა უნდა დაადგინოს რამდენად შეესაბამება ეს სიმართლეს.