2018 წლის იანვარში, წინა წლის შესაბამის პერიოდთან შედარებით, აზიის სამ ქვეყანაში – ყაზახეთში, ჰონგ–კონგსა და იაპონიაში ქართული ღვინის ექსპორტი გაორმაგდა.

ღვინის ეროვნული სააგენტოს მონაცემებით, 2018 წლის იანვარში საქართველოდან მსოფლიოს 24 ქვეყანაში 5,12 მლნ ბოთლის ექსპორტი განხორციელდა, რაც 18%-ით აღემატება 2017 წლის ამავე პერიოდის მაჩვენებელს.

ღვინის სააგენტოს მონაცემებით, ექსპორტირებულია 11,4 მლნ-მდე აშშ დოლარის ღირებულების ღვინო, ზრდამ გასული წლის ანალოგიურ მაჩვენებელთან შედარებით 31% შეადგინა.

ქვეყნები, სადაც ღვინის ექსპორტი გაიზარდა:

• ყაზახეთი – 108% (220 776)
• ჰონგ-კონგი 100% (15 486)
• იაპონია – 95% (26 892)
• ლატვია – 90% (116 226)
• უკრაინა – 55%(624 030)
• რუსეთი – 24% (3 534 780)
• პოლონეთი – 13% (177 018)
• ისრაელი – 12% (19 680)
• ნიდერლანდები – 39% (2 248)

ექსპორტიორი ქვეყნების პირველი ხუთეულია:

• რუსეთი  (3 534 780)
• უკრაინა (624 030)
• ჩინეთი  (250 238)
• ყაზახეთი  (220 776)
• პოლონეთი (177 018)

სააგენტოს მონაცემებით, წლის დასაწყისში სხვადასხვა მოცულობის ღვინის ექსპორტი 70-მდე კომპანიამ განახორციელა. იანვარში ექსპორტირებულია 1,06 მლნ ბოთლი ბრენდი და 8,2 ათასი ბოთლი ჭაჭა.