Balenciaga-ს 850 დოლარად ღირებული ფეხსაცმელი (crocs) ბაზარზე გამოსვლამდე სრულად გაიყიდა. The Independet წერს, რომ ბრენდის კრეატიული დირექტორის, დემნა გვასალიას მიერ შექმნილი ფეხსაცმელები 2018 წლის გაზაფხული/ზაფხულის ჩვენებაზე მოექცა ყურადღების ცენტრში. Harper Bazaar-ის ინფორმაციით, ბალენსიაგას ფეხსაცმელი ინტერნეტ მაღაზიაში პირველ თებერვალს გამოჩნდა და რამდენიმე საათში გაიყიდა. ქართველი დიზაინერი დემნა გვასალია Balenciaga-ს მოდის სახლის კრეატიულ დირექტორად 2015 წელს დაინიშნა.
