ჯეიმს აპატურაი სერგეი ლავროვს პასუხობს

სამხრეთ კავკასიაში ნატოს გენერალური მდივნის ოფიციალური წარმომადგენელი ჯეიმს აპატურაი რუსეთის საგარეო საქმეთა მინისტრის, სერგეი ლავროვის განცხადებას პასუხობს, რომელიც სამხრეთ ოსეთსა და აფხაზეთს შეეხება.

 

 

როგორც აპატურაი ფეისბუკზე, მის ოფიციალურ გვერდზე წერს, “ნათელია, რომ რუსეთს ჯერ კიდევ არ შეუცვლია თავისი პოზიცია სამხრეთ ოსეთთან და აფხაზეთთან დაკავშირებით.

 

“ჩიხი არა მხოლოდ ევროპის პატარა კუთხეში შეიქმნა, ეს არის გამაღიზიანებელი ფაქტორი რუსეთისა და დასავლეთის ურთიერთობაში, რომელიც რუსეთის მეზობლებში დაძაბულობას იწვევს და ევროპაში შეიარაღების კონტროლს აფერხებს. აქ საჭიროა საეღთაშორისო სამართალზე დამყარებული კომპრომისი”, – ამბობს აპატურაი ლავროვის იმ განცხადების კომენტირებისას, რომლის თანახმადაც, რუსეთი ელის, რომ გაიზრდება იმ ქვეყნების რიცხვი, რომლებიც ზემოხსენებული რეგიონების დამოუკიდებლობას აღიარებენ.

 

ნეტგაზეთის მასალების სხვა გამოცემებში გადაბეჭდვის წესი
netgazeti.ge