ფეხბურთის ფედერაციამ პრეზიდენტის ახალდაბადებულ შვილს ეროვნული ნაკრების მაისური აჩუქა

ფეხბურთის ფედერაციამ და ვეტერანმა ფეხბურთელებმა პრეზიდენტის ახალშეძენილ შვილს, თომა მარგველაშვილს ნაკრების მაისური აჩუქეს, თავად პრეზიდენტს კი ვეტერანი ფეხბურთელების ავტოგრაფებიანი ბურთი უსახსოვრეს.

საჩუქრები პრეზიდენტს ფეხბურთის ფედერაციის პრეზიდნტმა ლევან კობიაშვილმა პრეზიდენტის სასახლეში გადასცა. დღეს, 17 იანვარს, გიორგი მარგველაშვილმა ფეხბურთელი და მწვრთნელი, ფეხბურთის ფედერაციის პირველი პრეზიდენტი ნოდარ ახალკაცი, 80 წლის იუბილესთან დაკავშირებით ქართული ფეხბურთის განვითარებაში შეტანილი განსაკუთრებული წვლილისთვის სიკვდილის შემდეგ ღირსების ორდენით დააჯილდოვა.

გიორგი მარგველაშვილს და მაკა ჩიჩუას ვაჟი 16 იანვარს შეეძინათ. თომა წყვილის მეორე შვილია. პრეზიდენტის და პირველი ლედის პირველი შვილი თემო მარგველაშვილი 2015 წლის 2 თებერვალს დაიბადა. 

ვეტერანი ფეხბურთელების საჩუქარი გიორგი მარგველაშვილს. ფოტო: პრეზიდენტის ადმინისტრაცია

ნეტგაზეთის მასალების სხვა გამოცემებში გადაბეჭდვის წესი


ავტორი
ელენე ხაჭაპურიძე არის ნეტგაზეთის რეპორტიორი 2011 წლიდან. აშუქებს პოლიტიკის, განათლების, ჯანდაცვის, ადამიანის უფლებებს და მიმდინარე მოვლენებს. e-mail ellen.khachapuridze@gmail.com