NDI-ის კვლევის თანახმად, მოსახლეობის 41% ფიქრობს, რომ სამხედრო თვალსაზრისით რუსეთი აშშ-ზე ძლიერია. 36%-ის აზრით, აშშ-ის სამხედრო შესაძლებლობები რუსეთისას აჭარბებს, ხოლო 15%-ის აზრით, ეს ორი ქვეყანა თანაბარი სიძლიერისაა.

მონაცემები კვლევის შესახებ:

• კვლევა NDI-ის დაკვეთით CRRC-მა ჩაატარა.
• კვლევის საშუალო ცდომილების ზღვარია   +/ – 1.9 %.
• CRRC- მ კვლევის საველე სამუშაოები 2017 წლის 29 ნოემბერი – 19 დეკემბრის პერიოდში აწარმოა.  კვლევა ეყრდნობა 2 298 დასრულებულ ინტერვიუს.
• კვლევის მონაწილეები შეირჩნენ წარმომადგენლობითი პრინციპით ქვეყნის მასშტაბით [ოკუპირებული ტერიტორიების გარდა]. გარდა ამისა დამატებითი წარმომადგენლობითი შერჩევა მოხდა თბილისში, დიდ ურბანულ დასახლებებში, პატარა ურბანულ დასახლებებში, ეთნიკური უმცირესობებით მჭიდროდ დასახლებულ რეგიონებში.