საქართველოს ყოფილი პრემიერ-მინისტრი ბიძინა ივანიშვილი 2017 წელს 350 მლნ აშშ დოლარით გამდიდრდა. ბლუმბერგის მილიარდერების ინდექსში ბიძინა ივანიშვილის ქონება 6.4%-ით გაიზარდა და 5.80 მილიარდი აშშ დოლარი შეადგინა. 5.80 მილიარდი აშშ დოლარით ყოფილი პრემიერი ბლუმბერგის მილიარდერების სიაში 307-ე ადგილს იკავებს.
Bloomberg წერს, რომ საქართველოს ყოფილმა პრემიერმა ქონება რუსეთში 1990-იან წლებში დააგროვა. ბიძინა ივანიშვილმა 2012 წელს საქართველოში საარჩევნო კამპანიაში მიიღო მონაწილეობა, გახდა პრემიერი და ერთი წლის შემდეგ თანამდებობა დატოვა.
ბლუმბერგი ყოველდღიურად აახლებს მსოფლიოს უმდიდრესი ადამიანების რეიტინგს. Bloomberg-ზე ინფორმაციის განახლება ბაზრებიდან, ვაჭრობისა და აქციების ფასების ანალიზის მეშვეობით ხდება.
