თურქეთში, ტრაპზონის პროვინციაში ჩატარებული ანტიტერორისტული ოპერაციის შედეგად საქართველოს ორი მოქალაქე დააკავეს. თურქული გამოცემა “მილიეთის” ცნობით, ცოლ-ქმარი თურქეთის ტერიტორიაზე არალეგალურად იმყოფებოდა. სავარაუდოდ, მათ “ისლამურ სახელმწიფოსთან” კავშირში ედებათ ბრალი.
გამოცემის ინფორმაციით, ტრაპზონის თავდაცვის სამსახურის ანტიტერორისტულმა დეპარტამენტმა დაკავებულების სახლის ჩხრეკისას მათი ბრალდების დამადასტურებელი დოკუმენტაციაც ამოიღო.
დაკავებულთა საქმიანობასთან დაკავშირებით თურქეთის შესაბამისი სამსახურები გამოძიებას განაგრძობენ.
