პარლამენტმა მთავრობის განახლებული შემადგენლობა 103 ხმით, 17-ის წინააღმდეგ დაამტკიცა. ცვლილებების მიხედვით, რომელიც საქართველოს პრემიერ-მინისტრმა 13 ნოემბერს გაასაჯაროა, მინისტრთა პორტფელები შემდეგნაირად არის განაწილებული:
- დიმიტრი ქუმსიშვილი, ეკონომიკისა და მდგრადი განვითარების, ენერგეტიკის, ბუნებრივი რესურსების მინისტრი, პირველი ვიცეპრემიერი;
- გიორგი გახარია, შინაგან საქმეთა მინისტრი, ვიცეპრემიერი;
- მიხეილ ჯანელიძე, საგარეო საქმეთა და ევროპასთან ინტეგრაციის მინისტრი, ვიცეპრემიერი;
- მამუკა ბახტაძე, ფინანსთა მინისტრი;
- მიხეილ ჩხენკელი, განათლების, მეცნიერების და ახალგაზრდობის საქმეთა მინისტრი;
- მიხეილ გიორგაძე, კულტურის, ძეგლთა დაცვის და სპორტის მინისტრი;
- ლევან დავითაშვილი, გარემოს დაცვისა და სოფლის მეურნეობის მინისტრი;
- დავით სერგეენკო, ჯანმრთელობის დაცვისა და სოციალური უზრუნველყოფის მინისტრი;
- სოზარ სუბარი, საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი;
- ზურაბ ალავიძე, საქართველოს რეგიონული განვითარებისა და ინფრასტრუქტურის მინისტრი
- ლევან იზორია, საქართველოს თავდაცვის მინისტრი;
- თეა წულუკიანი, საქართველოს იუსტიციის მინისტრი;
- კახა კახიშვილი, საქართველოს სასჯელაღსრულებისა და პრობაციის მინისტრი;
- ქეთევან ციხელაშვილი, შერიგებისა და სამოქალაქო თანასწორობის საკითხებში სახელმწიფო მინისტრი.
მთავრობის დამტკიცების პროცესი პარლამენტში ბოლო რამდენიმე დღის მანძილზე დაძაბულობის ფონზე მიმდინარეობდა. 20 დეკემბერს კომიტეტების გაერთიანებულ სხდომაზე პრემიერ-მინისტრსა და ენმ-ის დეპუტატ ნიკა მელიას შორის კამათი დაპირისპირებაში გადაიზარდა, რა დროსაც პრემიერმა მელიას აგინა.
პარლამენტში ხმაური და დაპირისპირება იყო 21 დეკემბერსაც.