იაპონიის მთავრობის გრანტის მეშვეობით საპატრულო პოლიციამ 100 ჰიბრიდი და ელექტრომობილი მიიღო. ამის შესახებ პარლამენტში შს მინისტრობის კანდიდატმა გიორგი გახარიამ განაცხადა. მისი თქმით, ეს ამბავი ორი თვალსაზრისით არის მნიშვნელოვანი- გარემოსდაცვითი კუთხით და ოპტიმიზაციის კომპონენტით.
“საქართველოში შემოვიდა 100 ჰიბრიდი და ელექტრომობილი. არსებობდა იდეა, რომ მთავრობის წევრები გადაგვესვა ამ მანქანებზე, მაგრამ ჩვენი თხოვნით ეს სატრანსპორტო საშუალებები დაეთმობა პატრულს”, – თქვა გახარიამ.