უკრაინის სახელმწიფო უშიშროების სამსახურის და გენერალური პროკურატურის ერთობლივი ოპერაციის შედეგად დღეს, 5 დეკემბერს, კიევში დააკავეს მიხეილ სააკაშვილი იმ სახლში, სადაც საქართველოს მესამე პრეზიდენტი ცხოვრობდა.
სახელმწიფო უშიშროების სამსახურის პრესსამსახურის ინფორმაციას “კიევპოსტი” ავრცელებს, რომლის მიხედვით, სააკაშვილი დააკავეს უკრაინის სისხლის სამართლის კოდექსის 256-ე მუხლის პირველი ნაწილით, რომელიც კრიმინალური ჯგუფის წევრების დახმარებასა და მათი კრიმინალური საქმიანობის დაფარვას გულისხმობს.
“გამომძიებლებმა სააკაშვილს მისი ადვოკატის თანდასწრებით უთხრეს, რომ ის ეჭვმიტანილია დანაშაულის ჩადენაში,” – განაცხადა პრესსამსახურმა და დაამატა, რომ გამოძიება სააკაშვილს დაკითხავს.