ადვოკატი: არასრულწლოვნის მკვლელობაში ბრალდებული საგამოძიებო ორგანოს ჩაბარდება

ადვოკატი ტარიელ კაკაბაძე აცხადებს, რომ 1 დეკემბერს თბილისში მომხდარ ფაქტთან დაკავშირებით ბრალდებული უახლოეს წუთებში ჩაბარდება საგამოძიებო ორგანოს.

“ძებნაში მყოფ გ.ჯ-ს ოჯახი აპირებს, რომ უახლოეს წუთებში უზრუმნველყონ ბრალდებულის საგამოძიებო ორგანოში გამოცხადება”, – აცხადებს ადვოკატი.

მისი თქმით, მან ოჯახს შესაბამისი კონსულტაცია უკვე გაუწია.

“ეს არის ერთადერთი სწორი გადაწყვეტილება ბრალდებულის ოჯახის მხრიდან!” – წერს ადვოკატი ფეისბუკში.

შეგახსენებთ, რომ თბილისში, ხორავას ქუჩაზე მომხდარი ჩხუბის შედეგად, 51-ე საჯარო სკოლის ორი მოსწავლე მოკლეს. მკვლელობაში ბრალდებული ერთი პირი იმავე დღეს დააკავეს, ხოლო მეორე ამ დრომდე იძებნება. დღეს მათ თბილისის საქალაქო სასამართლომ აღკვეთის ღონისძიების სახით პატიმრობა შეუფარდა, ორივე ბრალდებული არასრულწლოვანია.

ნეტგაზეთის მასალების სხვა გამოცემებში გადაბეჭდვის წესი
ავტორი