ევა გოცირიძე მარიხუანის დეკრიმინალიზაციას მიესალმება

ევა გოცირიძე ამბობს, რომ მარიხუანის მოხმარების თაობაზე საკონსტიტუციო სასამართლოს მიერ მიღებულ გადაწყვეტილებას, რომლის შესახებაც საზოგადოებისათვის გუშინ გახდა ცნობილი, მიესალმება. ამის შესახებ გოცირიძემ ნეტგაზეთს განუცხადა სატელეფონო საუბრისას.

ევა გოცირიძე საკონსტიტუციო სასამართლოს მოსამართლეობის კანდიდატია და მის საკითხზე პარლამენტში კენჭისყრა დღეს გაიმართება.

“აბსოლუტურად არასწორი მოლოდინია, რომ მე რომელიმე პოლიტიკური ძალის ინტერესებს გავატარებ [საკონსტიტუციო სასამართლოში]. მე ვიქნები დამოუკიდებელი, ეს ჩემთვის ღირსებისა და პროფესიული თავმოყვარეობის საკითხია”, – განაცხადა გოცირიძემ დღეს პარლამენტში სტუმრობისას.

საქართველოს საკონსტიტუციო სასამართლოს განმარტებით, მარიხუანის მოხმარება სისხლის სამართლის წესით აღარ უნდა დაისაჯოს. სასამართლოს არგუმენტები მარიახუანის მოხმარების დეკრიმინალიზაციაზე შეგიძლიათ წაიკითხოთ აქ.

ნეტგაზეთის მასალების სხვა გამოცემებში გადაბეჭდვის წესი


ავტორი
დათო ქოქოშვილი არის ნეტგაზეთის რედაქტორი 2018 წლის 1 თებერვლიდან. მანამდე ის იყო ნეტგაზეთის რეპორტიორი 2013 წლიდან. Email: davit.qoqoshvili@gmail.com