ახალი ამბები

ბათუმში ხანძრის შედეგად დაღუპულთა რაოდენობა 12-მდე გაიზარდა

25 ნოემბერი, 2017 • 5460
ბათუმში ხანძრის შედეგად დაღუპულთა რაოდენობა 12-მდე გაიზარდა

ლეოგრანდში ხანძრის შედეგად დაღუპულთა რაოდენობა გაიზარდა. ამის შესახებ „ბათუმელებს“ ბათუმის სასწრაფო სამედიცინო სამსახურში განუცხადეს.

„გაიზარდა, მაგრამ ზუსტი ციფრი, ჯერჯერობით, არ ვიცით“, – უთხრეს ბათუმელებს სასწრაფო სამედიცინო სამსახურში.

შს სამინისტროს ინფორმაციით კი, „ბათუმში, სასტუმრო „ლეო გრანდში” გაჩენილი ხანძრის შედეგად წინასწარი ინფორმაციით გარდაცვლილია 12 ადამიანი. ამ ეტაპზე მიმდინარეობს მათი იდენტიფიცირება. მაშველებმა და პოლიციელებმა სასტუმროს შენობიდან ასზე მეტი ადამიანის ევაკუაცია მოახდინეს. მათ შორის არიან როგორც სტუმრები, ასევე სასტუმროს თანამშრომლები. სხვადასხვა სირთულის ინტოქსიკაციის გამო, სასტუმროში მყოფი ადამიანები გადაყვანილები არიან ბათუმის კლინიკებში. სასტუმრო „ლეო გრანდში” გაჩენილ ხანძართან დაკავშირებით მოქმედებს მართვის ცენტრი, რომელსაც საპატრულო პოლიციის დეპარტამენტის აჭარის მთავარი სამმართველოს უფროსი, ლევან მაისურაძე ხელმძღვანელობს. მოქალაქეებისთვის მოქმედებს ცხელი ხაზი: 595950925.დაახლოებით ერთი საათის წინ ცნობილი გახდა, რომ დაღუპული იყო ოთხი ადამიანი“.

ხანძარის სასტუმრო ლეოგრანდში დღეს საღამოს გაჩნდა.

ლეოგრანდი ერთ-ერთი ყველაზე დიდი სასტუმროა ბათუმში. სასტუმროს აქვს 182 ნომერი.

 

 

 

მასალების გადაბეჭდვის წესი