ეგვიპტის მეჩეთში ტერაქტის შედეგად დაღუპულთა რაოდენობა 235-მდე გაიზარდა

დღეს, 24 ნოემბერს ეგვიპტის მეჩეთში მომხდარი ტერაქტის შედეგად დაღუპულთა რაოდენობა, 23 საათის მდგომარეობით, 235-მდე გაიზარდა, ხოლო დაშავებულთა რაოდენობა 109 ადამიანია.

CNN-ის ცნობით, ამ ტერაქტს ყველაზე მეტი მსხვერპლი მოჰყვა, რომელიც ოდესმე ეგვიპტის ტერიტორიაზე მომხდარა.

BBC-ის თვითმხილველებმა განუცხადეს, რომ ბირ ალ აბედის ქალაქში აფეთქება პარასკევის ლოცვების დროს მოხდა, ხოლო ადგილობრივი პოლიციის თქმით, შეიარაღებული პირები, რომლებმაც შეკრებილ მოსახლეობას ცეცხლი გაუხსნეს, ოთხი ავტომობილით გადაადგილდებოდნენ. ერთ-ერთი წყაროს ინფორმაციით, თავდამსხმელების სამიზნე მეჩეთში მყოფი ეგვიპტის თავდაცვის უწყების წარმომადგენლები იყვნენ.

ნეტგაზეთის მასალების სხვა გამოცემებში გადაბეჭდვის წესი
ავტორი
მიშა მეფარიშვილი არის ნეტგაზეთის რეპორტიორი 2010 წლიდან. აშუქებს კულტურის პოლიტიკის, ადამიანის უფლებების საკითხებს და სხვა მიმდინარე თემებს. Email: mishameparishvili@gmail.com