ქვედა ჩაილურში ხანძარი ლოკალიზებულია

საგანგებო სიტუაციების მართვის სააგენტოს ცნობით, საგარეჯოს მუნიციპალიტეტში, ქვედა ჩაილურში ხანძარი ლოკალიზებულია.

სააგენტოს ცნობით, ამჟამად სალიკვიდაციო სამუშაოები მიმდინარეობს. ხანძარი დღეს, 4 ნოემბერს ტყის ქვედა საფარს გაუჩნდა – პატარა ბუჩქებს, ბალახს და ცალკეულ შემთხვევაში პატარა ტანის ხეებს.

“ეს არ არის მასიური ტყე, მასიური ტყე ფაქტობრივად გადარჩენილია მეხანძრე-მაშველების მიერ, რადგან მივიდნენ დროულად და ხანძარს ტყეზე გადასვლის საშუალებ არ მისცეს”,- აცხადებენ სააგენტოში.

ნეტგაზეთის მასალების სხვა გამოცემებში გადაბეჭდვის წესი
ავტორი
ელენე ხაჭაპურიძე არის ნეტგაზეთის რეპორტიორი 2011 წლიდან. აშუქებს პოლიტიკის, განათლების, ჯანდაცვის, ადამიანის უფლებებს და მიმდინარე მოვლენებს. e-mail ellen.khachapuridze@gmail.com